Kavithalu

విరిసే ఆనందం పూల వానలా .. కురిసే నవ్వుల చినుకులా .. మెరిసే ఆత్మీయ జల్లులా .. ఎన్నో శిలలపై శిల్పాలా .. కలం నుండి జాలువారే వాక్కుల బాణంలా .. కన్నీటి నదీ ప్రవాహంలా .. కష్టసుఖాల సమ్మేళనంలా .. జీవితం సాగే హరివిల్లులా ..

ఆకాశం ఏనాటిదో .. హరివిల్లు ఆనాటిది .. ఈ సృష్టి ఏనాటిదో .. ప్రాణుల జీవనం ఆనాటిది .. జీవనం ఏనాటిదో .. సుఖ సంతోషాలు ఆనాటివి .. ఏది ఏనాటిదైన సాగే ప్రయాణం ఈనాటిది .. కలిసి నడుద్దాం ఆనందోస్సాహాలతో .. ప్రతి క్షణం బోసి నవ్వుల పాపల్లా .. జగమంతా ఒక్కటై నదీ ప్రవాహంలా ..  

గోపాల కృష్ణయ్య  నంద నందన .. యదుకుల కృష్ణయ్య నంద నందన ..  మా చిన్ని కృష్ణ రా రా .. !! చెడు అనే మన్నును తినేవురా .. కంసాసుర సంహారా రా రా .. !! మంచి అనే వెన్నను అందరికి పంచేవురా .. గోప కిషోర రా రా ..!! నీ చరణమే శరణమని మొక్కెదమురా .. నిను తలచి తలచి అన్వెషించదమురా .. అన్నిటా నీవేనని తెలిసి ..  నీవద్దకు మోక్షము కొరెదమురా ..   

గెలుపెవరిది .. !!?? నింగి నేలలో గెలుపెవరిది .. నీరు నిప్పులో గెలుపెవరిది .. ఎండ వానలలో గెలుపెవరిది .. సూర్య చంద్రులలో గెలుపెవరిది .. ఉరుము మెరుపులలో గెలుపెవరిది .. అన్ని దిశల అంతయూ సమానమే .. గెలుపు ఓటమి అనిన నిలిచేది ఏది లేదే ..  కేవలం మంచితనపు మమకారం శాశ్వతమే  .. అదే అన్నిటా అంతటా గెలుపుకు సమానమే ..

మధురమే మధురమే .. విరించే  కనులు మధురమే .. సన్నగా సాగే పాట మధురమే .. చిన్ని చిన్ని ముత్యపు చినుకులు మధురమే .. విరి గాలి వీచిక మధురమే .. మబ్బుల చాటు చంద్రుని రూపు మధురమే .. ఉదయించే సూర్యుని ప్రకాశం మధురమే .. జల జల పారే నీటి ప్రవాహం మధురమే .. మధురపు మధురానుభూతుల సంగమము మధురమే ..!!

మనసు మనసు కలిసే .. చేయి చేయి కలిసే .. ఇరు కనులు ముచ్చటించే .. ఆనందసాగరంలో తేలియాడే  .. మంచితనపు లోగిలికి పూబాటాయె .. మూర్కత్వపు సంకెళ్ళను తెంచే .. అన్యాయపు వాకిళ్ళను తరిమేనే .. జన వాహిని స్వచ్చతకు మారురూపుగా అవతరించే .. అని కలగా లీలగా అనిపించే .. అది నిజమయి సాగాలని ఆశించే  .. సకల జగతికిది విన్నవించే ..

నదీ తీర సమీరం .. జీవన పోరాట సమరం .. తెలిపెను అనుక్షణం సమయం .. కన్నుల కాంతుల నిరీక్షణం .. సాగెను విరివిగల పోరాటం .. దాగేనులే విజయపు శిఖరం .. అందుకో మిత్రమా .. కష్టే ఫలే నేస్తమా ..